गाेविन्द विश्वकर्मा स्वर्गद्धारी असाेज १२ । वर्षहरुमा जस्तै महाअष्ठमीका दिन लाग्दै आएको रोल्पा जिल्ला सुवर्णावती त्रिपुरेश्वरी मन्दिरमा विहिवार पनि हजारौ भक्तजनहरुले पुजापाठ गरी बोका, रागाँको बलि दिएका छन ।४ हजार भन्दा बदिको संख्यामा मन्दिरमा भक्तजनहरुको घुँइचो लागेको थियो । हरेक हप्ताको मंगलवार र शनिवार पनि देवि पुज्ने गरियता पनि आज दिनमा अलि धेरै भक्तजनहरुको लर्काे लाग्ने गर्दछ ।
महाअष्टमीको अवसर पारेर १ सय ७५ भन्दा वढि बोका, २३ वटा राँगाको बलि दिएको छ भने ५ सय भन्दा बढि परेवाहरु भक्तजनहरुले उडाएका छन ।
२०३४ साल देखि मन्दिर व्यवस्थापन समितिको निर्माण गरेर यस मन्दिरको स्तर उन्तिको लागि लागि परेको मन्दिर व्यवस्थापन समितिका अध्यक्ष प्रेम सिहं भारतीले भन्नुभयो ।
पहिले पहिले गाउँलेहरु सबै मिलेर एउटा बोका उठाएर चढाउने गरिएता पनि अहिले भन्ने धेरैले टाढा टाढा वाट समेत आएर यहाँ पाठपूजा, दर्शनका साथै बलि दिने गरेको भारतीले बताउनुभयो ।मन्दिरको भौतिक निमार्ण पहिले नभएता पनि अहिले यहाँ आउने गरेका भक्तजनहरुले चढाएको रकम संकलन गरेको मन्दिरको भौतिक पक्षहरुको केही सुधार गरिएको र राज्य पक्षवाट पनि थोरै धेरै सहयोग प्राप्त भैरहेको मन्दिर व्यवस्थापन समितिका एक पदाधिकारी बताउनुहुन्छ ।
बलि दिने प्रथा आफैमा राम्रो नभएतापनी यो परम्परा देखि चलिआएको रिति र शास्त्र भएकाले यहाँ बलि दिइने गरेको पनि अध्यक्ष बताउनुहुन्छ ।
बलिकै कारण बलि प्रथालाई इन्कार गर्ने मान्छेहरुको आगमन नहुने भएकाले पनि यस मन्दिर अलि ओझेलमा परेका त्यहाँका जानकारहरु बताउछन ।धार्मिक रुपमा आफू त्यति विस्वत नभएतापनी पूजाआजा चाही वर्षेनी गरिदै आएकाले यसपटक पनि आएको मन्दिरमा पूजा गर्ने आउनु भएका यूवा दिनेश केसीले बताउनुभयो ।
विशेष गरेर आजको दिनभरी नै मन्दिरमा पाठपूजा गर्ने र बलि दिने भक्तजनहरुको बाक्लो उपस्थिती रहने मन्दिर व्यवस्थापन समितिले जानकारी दिएको छ ।
Post a Comment