गंगेश्वरी आधारभुत विद्यालयलाई एक कार्यक्रमका बीच बाल मैत्री विद्यालय घोषणा

गोविन्द विश्वकर्मा भाद्र ३० प्यूठान । स्वर्गद्वारी नगरपालिका वडा नं –४ बाझिपुरमा रहेको श्री गंगेश्वरी आधारभुत विद्यालयलाई शुक्रवार एक कार्यक्रमका बीच बाल मैत्री विद्यालय घोषणा गरिएको छ ।
बाल मैत्री विद्यालयको न्यूनतम सर्त पुरा गरिए पछि उक्त विद्यालयलाई बाल मैत्रि विद्यालय घोषणा गरिएको विद्यालय सो्रतले जानकारी दिएको छ ।
बालवालिकाको सम्रग विकास, विद्यालय भर्नामा निरन्तर प्रोत्साहन, शिक्षकको मनोवल वा उत्पेरेणालाई सर्मथन, बालवालिकालाई सुरक्षित र संरक्षित स्थानहरु बनाउने छौ लगायतका सपथ खाएर विद्यालयका अभिभावक शिक्षक व्यवस्थापन समितिका पदाधिकारी, स्थानीय राजनीतिक दलका प्रतिनिधिहरुले प्रतिवद्धता जनाएका थिए ।
विद्यालय व्यवस्थापन समितिका अध्यक्ष नेत्र बुढाथोकी अध्यक्षतामा सुरु भएको कार्यक्रमको प्रमुख अतिथी स्वर्गद्वारी नगरपालिकाका स्रोत व्यक्ति बल बहादुर रोकाय रहनु भएको थियो । भने विशेष अतिथी कालिका विकास केन्द्र नेपालका कार्यक्रम संयोजक सरोज श्रेष्ठ, र सेभद् चिल्ड्रेनका कार्यक्रम संयोजक यम थापा रहनु भएको थियो । कार्यक्रममा वडा नं ४ का वडा अध्यक्ष सुरेन्द्र हमालको समेत उपस्थीति रहेको थियो । कार्यक्रममा बोल्दै हमालले आफु  विद्यालयको विकासको लागि सधै तत्पर रहेको बताउनु भएको थियो ।
कार्यक्रममा बोल्ने बक्ताहरुले विद्यालयलाई बाल मैत्रि घोषणा गरेर मात्र नहुने भएकाले विद्यालयले बाल मैत्रिमय विद्यालय बनाउनु पर्नेमा जोड दिएका थिए ।
कार्यक्रममा विद्यालयका प्र.अ. देविराम बस्नेतले विद्यालयको आर्थिक, भौतिक तथा शैक्षिक पक्षको बारेमा स्पष्ट पार्नु भएको थियो ।

कार्यक्रममा विद्यालयका विभिन्न विद्यार्थीहरुले गीत तथा नृत्य प्रस्तुत गरेका थिए । विद्यालयका शिक्षिका चन्द्रा विसीको स्वागत मन्तव्यवाट सुरु भएको कार्यक्रमको संचालन शिक्षक गोरख केसीले गर्नुभएको थियो ।

(गंगेश्‍वरी अाभारभुत विद्यालय भवन)

(फाेटाे फिचर : गाेविन्द विश्‍वकर्मा)

(कार्यक्रममा नृत्य प्रस्तुत गर्दै विद्यालयकाे छात्राहरु)

(कार्यक्रमकाे दृश्‍य अवलाेकनका लागि बसेका विद्यार्थिहरु)