विश्व स्तनपान दिवस प्यूठानमा पनि विभिन्न कार्यक्रम गरी मनाइदै

स्मृती घर्ती मगर प्यूठान १७ श्रावन ।  मंगलवार विश्व स्तनपान दिवस, मंगलवार देखि प्यूठानमा पनि विभिन्न कार्यक्रम गरी यो दिवस सप्ताह रुपमा मनाउन लागिएको जिल्ला अस्पताल प्यूठानले जनाएको छ ।
मंगलवार देखि सुनौला हजार दिनका महिलाहरुलाई स्तनपानको महत्व, फाइदा, स्तनपान गराउदाको आसन वारे जानकारी लगायतको जनचेतनामूलक कार्यक्रमहरु गरी सप्ताह रुपमा मनाउन लागिएको फोकल पर्सन डोर व. केसिले बताउनुभयो ।

 जिल्लामा कृषि तथा खाद्य सुरक्षा आयोजना लागु भएका साविकका १० गााविस र सुआहारा कार्यक्रम संचालन भएका साविकको ३९ गा.वि.स मा साप्ताहिक स्तनपान दिवस मनाउन लागिएको हो ।
विभिन्न अध्ययन अनुसार प्यूठानमा हाल ६७ प्रतिशत आमाले मात्र आफ्ना बच्चालाई पूर्ण स्तनपान गराउने गरेको केसिले बताउनु भयो । बच्चालाई पूर्ण स्तनपान गराए बच्चाका साथै आमाका स्वास्थ्यमा पनि फाइदा पुग्ने चिकित्सकहरु बताएका छन् ।