हरेक आमाले आफ्नो बच्चालाई सम्हाल्नका लागि सबैभन्दा उत्कृष्ट तरिका अपनाउने गर्दछन् । यो प्रक्रिया वर्षौं पहिलेदेखि चल्दै आएको थियो । स–सानो कुरामा पनि आमाले बच्चाबारे ख्याल राख्ने गर्दछिन् । यद्यपी, थुप्रै पटक उनीहरुलाई नै थाहा हुँदैन कि उनीहरुले किन यस्तो गरिरहेका छन् । यीमध्ये एउटा हो, धेरैजसो आमाले आफ्नो बच्चालाई बायाँ पट्टी बोक्ने गर्दछिन् ।
तर हामी यो भनिरहेका छैनौं कि कोही पनि आमाले बच्चालाई कहिले पनि दायाँ पट्टी बोक्ने गर्दैनन् । तर ७० देखि ८५ प्रतिशत आमाहरुले बच्चालाई बायाँ पट्टी नै बोक्ने
गर्दछन् । यति भनिरहँदा तपाईंले सोच्नु भएको होला कि आखिर किन सबै आमाहरुले बच्चालाई बायाँपट्टी बोक्ने गर्छन् । यसको वैज्ञानिक कारण निकै रोचक छ ।
आफ्नो बच्चालाई देब्रेपट्टी बोक्दा अरु काम निकै सजिलोसँग गर्न सकिने धेरै आमाहरुको मान्यता छ । यति मात्र होइन, यसो गर्दा आफ्नो बच्चाको कुनै पनि आवश्यता पूरा गर्न पनि आमालाई सजिलो हुन्छ । यसो गर्नुका पछाडि यो एउटा कारण हुनसक्छ तर यसको वास्तविक कारण केही भिन्न छ ।
जर्नल अफ नेचर एकोलोजी एण्ड इभोलुसनको एक अनुसन्धानको अनुसार आमाहरुले आफ्नो बच्चालाई बायाँ पट्टी नै बोक्ने गर्दछन् किनभने यस्तो गरेर उनीहरुले आफ्नो बच्चालाई सबैभन्दा राम्रो तरिकाले सुरक्षित राख्न सक्छन् । हुन त उनीहरुलाई यस्तो कुरा थाहा हुँदैन तर उनको दिमागले आफसे आफ यस्तो गर्न निर्देशन दिन्छ ।
तपाईंलाई थाहा नै छ तपाईंको मस्तिष्कको दायाँ पट्टीको हिस्साले तपाईंको शरिरको बायाँ भागलाई नियन्त्रण गरिरहेको हुन्छ र शारिरको दायाँ भागलाई मस्तिष्कको बायाँ भागले । यसको अर्थ यो हुन्छ कि जब कुनै बच्चा आमाको बायाँपट्टी हुन्छ तब त्यतिबेला उनलाई लाग्ने भोक, प्यास र कुनै अन्य आवश्यकताका कारण रुन्छ भने बच्चाकी आमाको दायाँ दिमागले तुरुन्त यसबारे थाहा पाउँछ ।
यसको अर्थ यो पनि हुन्छ कि बच्चा र आमा एक–अर्कासँग भावनात्मक तरिकाले जोडिने भएकाले एक–अर्कासँग संवाद गर्नका लागि आफ्नो भावना प्रयोग गर्दछन् ।
Post a Comment