रोल्पा जिल्ला साविकको खुंग्री गाविस र प्यूठानको सारी सारीघाट जोड्ने झोलुङगे पुल मर्मत अभावमा जीर्ण बनेको छ । करिब दुई दशकअघि निर्माण भएको लुङग्री नदीमाथिको खोला खेट सारीघाट झोलुंगे पुल जीर्ण हुँदा स्थानीय बासिन्दाहरू जोखिम पूर्ण यात्रा गर्न बाध्य बनेका छन् ।
पुलबाट दैनिक दर्जनौ स्थानीय हिँड्ने गर्छन् । दुई दशकअघि निर्माण गरिएको पुल हालसम्म एकपटक पनि मर्मत गरिएको छैन । पुल मर्मत नहँुदा पुलमा बिच्छाइएको तार छिनेर प्वाल परेको छ भने लठ्ठाहरू पनि कमजोर अवस्थामा रहेका छन् । पुल जीर्ण बनेपछि कठिन र जोखिमपूर्ण यात्रा गर्नुपरेको स्थानीयवासी जानकारी दिनुभयो । पूलवाट विद्यार्थी, मैतालु र रोल्पा जिल्लाको साविकको खुंग्री गाविसमा रहेको देविस्थान मन्दिरमा दर्शन गर्न जानेहरु पनि यही पुलवाट वारपार गर्नेगर्छन ।
पुलको रेखदेख गर्नको लागि संरक्षकलाई बार्षिक ६ हजार तलव दिएर राखिएको छ तर सम्बन्धीत निकायको चासोको विषय नबन्दा पुलको स्थिति गम्भिर बन्दै गएको छ । रोल्पा जिल्लाको साविकको खुंग्री, गाविस आसपास र प्यूठानको साविकको सारी गाविसका स्थानीयले यो पुल हुँदै यात्रा गर्दै आएका छन् भने दैनिक दर्जनौ स्थानीय एवं विद्यार्थीहरु यस पुलको प्रयोग गरेर विद्यालय आउने जाने गरेका छन ।पुल जीर्ण बन्दा पनि कुनै निकायले मर्मतमा वास्ता नगरेको त्यहाँका स्थानीयले गुनासो गरेका छन । दुई जिल्लालाई जोड्ने पुल भएकाले मर्मत संभारको लागि पटक पटक रोल्पा जिल्लाको सम्बन्धीत निकाय र प्यूठान जिल्लामा पहल गर्दाे समेत दुई जिल्लाको आलोपालोले यसको मर्मत हुननसकेको स्थानीय ले बताउनुभयो ।
पुलको विचमा पुरै तार राखिएको भाग खसेकाले त्यहाँवाट मान्छे झर्न सक्ने जोखिम रहेको छ । दैनिक स्थानीय र विद्यार्थीहरु आवतजावत गर्ने यस पुलको मर्मत संभार नहुदाँ स्थानीयले सास्ती वेहोर्नु परेको छ । यसमा सम्बन्धीत निकायको ध्यान जान अत्यन्तै जरुरी रहेको छ । अन्यथा यहाँ जोखिम पुलका कारण दुर्घटना निम्तिन सक्ने खतरा देखिएको छ ।
करिब ७६ मिटरको लम्बाइ रहेकोे पुल जीर्ण बन्दै गएपछि सरकार आफैंले पुल जीर्ण भएको जानकारी पाउँदा–पाउँदै पनि त्यसको मर्मतमा भने कुनै अग्रसरता नदेखाएको गाउँलेहरूले गुनासो गरेका छन् ।
Post a Comment