बैशाख ३, स्वर्गद्वारी स्थानीय तह पुनः संरचना अन्र्तगत स्वीकृत भई बनेको स्वर्गद्वारी नगरपालिकामा तुल्सीराम गैरे कार्यकारी अधिकृतमा नियुक्त भई आइतवार देखि औपचारीक रुपमा नियमित कार्य सम्पदानको जिम्मवेवारी सम्हाल्नु भएको छ ।
आइतवार एक कार्यक्रमका विच उहाँले निमित्त कार्यकारी अधिकृत हिमलाल पोख्रेलद्धारा अधिकृत तुल्सी गैरेले कार्यकारी अधिकृतको जिम्मेवारी ग्रहण गर्नुभएको हो । कार्यक्रममा बोल्दै कार्यकारी अधिकृत गैरेले साविकको गाविस र अहिलेको स्वर्गद्वारी नगरपालिका केही वडाहरुमा रोकिएको सामाजिक सुरक्षा भक्ता छिट्टै वितरण हुने जानकारी दिनुभएको छ ।
नगरपालिको आफ्नो भौतिक संरचना नभएकाले तत्कालको लागि साविकको भिग्री गाविसको कार्यालयबाट नै सेवा प्रदान गर्ने र विनियोजीत वजेटलाई परिचालन गरी छिट्टैनै आफ्नो कार्यालयवाट सेवा प्रदान गरिने अधिकृत गैरेले बताउनुभयो ।
कार्यक्रममा क्रियाशिल राजनीतिक दलका प्रमुख एवं प्रतिनिधी, पत्रकार, बुद्धिजीवी, सरकारी तथा गैरसरकारी कार्यालयका प्रमुख एवं प्रतिनिधी, सुरक्षाकर्मी स्थानीय वासिन्दाहरुको उल्लेखनीय उपस्थिती रहेको थियो ।
Post a Comment