आव २०७२÷७३ मा सबैभन्दा बढी कैलालीमा ७६, कञ्चनपुरमा ६६ मुद्दा दर्ता भएका थिए भने सबैभन्दा बढी वन्यजन्तुको छाला तथा हड्डीको ओसारपसार र वन पैदावारको अवैध ओसारपसार पनि कैलाली र कञ्चनपुरमा रहेको सुदूरपश्चिमाञ्चल क्षेत्रीय वन निर्देशक सुदीप कोइरालाले जानकारी दिएका छन् । उनले वन्यजन्तुको चोरी सिकारीमा अन्तर्राष्ट्रिय गिरोह नै सक्रिय रहेकाले नियन्त्रणमा कठिनाइ भइरहेकोे बताएका छन् ।
उनले मानव बस्ती जङ्गलको नजिक हुँदा जनावरले स्थानीयवासीको अन्न बाली खाइदिने गरेका कारण स्थानीयवासीले पासो थाप्ने गरेकाले पनि वन्यजन्तुको संरक्षणमा चुनौती थपिएको जानकारी दिएका छन् । कार्यक्षेत्र बढी तर जनशक्ति कम हुँदा पनि समस्या भएको निर्देशक कोइरालाको गुनासो छ ।
शुक्लाफाँटा वन्यजन्तु आरक्षमा २५ वटा वनसम्बन्धी मुद्दा दर्ता भएका छन् भने अन्य पहाडी जिल्लामा भने कम मात्रामा मुद्दा दर्ता भएको क्षेत्रीय वन निर्देशनालयको तथ्याङ्कमा उल्लेख छ ।
वन पैदावारको अवैध ओसारपसार गर्ने क्रियाकलाप पनि रोकिएको छैन र पक्राउ परेपछि काठ छोडेर भाग्ने र पक्राउ परेका व्यक्तिले अन्यको नाम नभनिदिँदा समस्या हुने गरेको निर्देशक कोइरालाले जानकारी दिएका छन् । जिल्ला वन कार्यालयले चालु आवको तथ्याङ्क भने क्षेत्रीय वनमा उपलब्ध गराएको छैन ।
Post a Comment